Gizartea -
Nafarroan
34 urteko txirrindulari bat larri, Eugiko baso-bide batean jausita
Istripua izan duen gizonaren lagun batek deitu dio, ostegun arratsaldeko lehen orduan, SOS Navarrari. Zauritua ospitaleratuta dago.
Agentziak | Erredakzioa
34 urteko txirrindulari bat larri zauritu da Eugitik gertu, Esteribarren (Nafarroa), baso-bide batean erorikoa izanda.
Istripua jasan duen gizonaren lagun batek deitu du 112 telefonora, alegia, SOS Navarrara, jazotakoaren berri emateko; hala eman du jakitera Nafarroako Gobernuak prentsa-ohar batean.
Erreskate-taldeak eta laguntza-zerbitzuak ezin ziren istripuaren lekura heldu, horretarako oztopo handiak zeudelako, eta, ondorioz, Nafarroako Gobernuaren helikoptero bat bertaratu da. Guardia Zibileko kide batzuk zihoazen barruan.
Helikopteroak Eugiko frontoira eraman du zauritua, eta bertan beste helikoptero bat zegoen zain; azken horrek eraman du txirrindularia Nafarroako Ospitalera.
Eugin guardia egiten ari zen ekipo medikoa ere joan da laguntzera, bai eta suhiltzaileak eta Foru Polizia. Bertako baso-guardek ere laguntza eman dute.