Gizartea -
Ezbeharra Nafarroan
Kamioilari bat hil da Lantzen, ibilgailua errepidetik atera ondoren
Istripua 03:10 aldera gertatu da, N-121-A errepidean (Iruñea-Behobia). Hildakoak 47 urte zituen, eta Pedrolakoa (Zaragoza) zen.
E. Lotina | eitb.eus
Kamioilari bat hil da goizaldean, Lantzen (Nafarroa), istripu baten ondorioz. Foruzaingoak jakitera eman duenez, ezbeharra 03:10 aldera gertatu da, N-121-A (Iruña-Behobia) errepideko 23. kilometroan. Ibilgailua errepidetik atera da, Iruñerako bidean, eta irauli egin da.
Gidaria, 47 urteko gizonezkoa, Pedrolakoa (Zaragoza) zen. Gorpua Iruñeko Auzitegiko Medikuntza Institutura eraman dute.
Kamioiak tabakoa zeraman.
