Gizartea -
Euskara Nafarroan
Baztango euskara plana baliogabe utzi du Nafarroako Auzitegi Nagusiak
UPNren Foru Gobernuak helegitea aurkeztu zuen planaren aurka, eta epaileek onartu egin dute.
AGENTZIAK | ERREDAKZIOA
Nafarroako Auzitegi Nagusiak baliogabe utzi du Baztango Udalak 2014ko abuztuan onartutako euskara plana, UPNren Foru Gobernuak garai hartan aurkeztutako helegitea onartu baitu.
Planak euskara lehenestea zuen helburu, eta, besteak beste, honako neurriak aurreikusten zituen: Udalaren webgunean sartzean euskarako bertsioa agertzea lehenik, eta udal langileek herritarrekin hitz egitean lehen hitza euskal hizkuntzan egitea.
Hori horrela, auzitegiak ebatzi du plana "ordenamendu juridikoaren aurkakoa" dela, eta "urratu" egiten duela "foru araua".
"Planean behin eta berriro esaten da herritarren hizkuntza eskubideak errespetatuko direla, baina euskara baino ez erabiltzea da benetako helburua", esan dute epaileek.