Gizartea -
Gertaera
Gizon batek alokatzaileari mehatxu egin dio laban batekin
Gainera, agenteei eraso egiten saiatu da. Ertzaintzak biktimaren bizilaguna ere atxilotu du, Bilboko epaitegi batek agindua aspaldi emanda baitzuen.
Agentziak | Erredakzioa
Ertzaintzak 46 urteko gizonezko bat atxilotu du logela bat alokatu zion emakumeari labana batekin mehatxu egin ostean. Halaber, bertara hurbildu ziren polizien kontra egiten ahalegindu da, Segurtasun Sailak adierazi duenez.
Gertaera Abandon (Bilbo) kokaturik dagoen etxebizitza batean jazo zen atzo, maiatzak 31. Une hartan, biktima logela batean ezkutatu zen bere bizilagunarekin batera, eta ertzainei deitzea erabaki zuten.
Bertaratu ziren poliziak susmagarria identifikatzen saiatu ziren, baina, orduan, gizonezkoa Ertzaintzako kideei eraso egiten ahalegindu zen.
Egoera horren aurrean, poliziek gizona atxilotu, eta, berarekin batera, biktimaren bizilaguna beraiekin eraman zuten, Bilboko epaitegi batek atxilotzeko agindua emanda baitzuen.