Gizartea -
Desagertua
69 urteko gizon bat bilatzen ari dira Aloñan
Atzo goizean atera zen Arantzazutik, mendi-ibilaldi bat egitera, eta arratsaldean, itzultzen ez zela ikusita, etxekoek abisua eman zioten Ertzaintzari.
Radio Euskadi | eitb.eus
Oñatiko Aloña mendi inguruan 69 urteko Usurbilgo gizonezko baten bila ari dira, 08:00etatik. Ertzaintza, Gurutze Gorria eta DYA ari dira parte hartzen bilaketa-lanetan.
Atzo goizean atera zen gizonezkoa Arantzazutik, mendi-ibilaldi bat egitera, eta arratsaldean, itzultzen ez zela ikusita, etxekoek abisua eman zioten Ertzaintzari. Berehala hasi ziren haren bila; 05:00etan eten dituzte lanak, eta 08:00etan berriro abiatu.