Azpeitiko zezenketan adingabeak heldurik gabe sartu direla salatu dute

Bizkaiko Zezenketen aurkako Kolektibo Animalistak (CAAB) salaketa aurkeztu du Eusko Jaurlaritzaren Jokoaren eta Ikuskizunen Zuzendaritzaren aurrean "16 urteko adingabe asko heldurik gabe" Azpeitiko zezenketan sartzeagatik, uztailaren 31an.

Ohar baten bidez zabaldu dutenez, "dozenaka adingabe" Azpeitiko zezen plazan sartu ziren, zezenketa bera hasi eta gero, "atzeko ateetatik, agintarien eta arduradunen aurrean".

CAABek gaineratu duenez, gertatutakoa Ertzaintzari jakinarazi zioten, "Zezenketen Araudiaren 102. Artikulua urratzen ari zirela ikustean, alegia, 16 urtetik beherako adingabeek soilik ikusi dezaketela zezenketak adinekoekin joanez gero".