Gizartea -
Istripua
Aiegin autoak su hartuta erredurak jasan zituen gizona hil da
Ostegunean jazo zen. Gizona txakurra erreskatatzen saiatu zen, eta zauri oso larriak pairatu zituen. Gurutzetako Ospitalean zendu da, ostiral gauean.
EiTB.EUS
Ostegunean, Aiegi parean (Nafarroa), autoak su hartuta zauri oso larriak jasan zituen gizona hil da, ostiral gauean, Gurutzetako Ospitalean. Hala eman du jakitera Euskadi Irratiak.
Gizona ibilgailutik irten zen, sua piztuta, eta autoa eten zuen, baina berriro ireki zuen atea, barruan zegoen txakurra erreskatatzeko; garrek harrapatu zuten, eta gorputzaren % 70ean izan zituen erredurak.
Zauriak oso larriak zirenez, Gurutzetako Ospitalera eraman zuten helikopteroz, eta atzo gauean hil zen.