Foru Gobernua, Nepalen hildako mendizalearen gorpua ekartzeko lanetan

Uxue Barkos Nafarroako Gobernuko presidenteak adierazi duenez, Foru Gobernua lanean ari da Nepalen luizi batean hildako iruindarraren gorpuzkiak herriratzeko.

Barkosen arabera, Nafarroako Gobernua "harremanetan dago uneoro istripu larri hau izan duen mendizale taldearekin".

"Zauritutako pertsonak hobeto osa daitezen eta hildako mendizale nafarra ekartzeko beharrezko lanak egiten ari dira", azaldu du.

Gainera, Barkosek doluminak adierazi dizkie hildako iruindarraren senideei, eta esan du lanean ari direla "familiak ahalik eta errazen egin ditzan izapideak, egoera mingarri honetan".