Gizon bat hil da Bilbon izandako zirkulazio istripu batean

33 urteko gizonezko bilbotar bat hil da astearte honetan Bilboko BI-3723 errepidean izandako zirkulazio istripu batean. Bilboko Udalak eitb.eus-i baieztatu dionez, Abusuko errepidean izan da ezbeharra, Buia auzoko norabidean. Halaber, emakume bat zauritu da eta Basurtoko Ospitalera eraman dute.

18:19ean izan da bi autoren arteko trafiko istripua. Larrialdi zerbitzuak hurbildu direnean gizona artatzen saiatu dira, baina ezin izan dute ezer egin haren biziagatik. Era berean, emakume bat zauritu da eta Basurtoko Ospitalera eraman dute.

Trafiko Zuzendaritzak zabaldu duenez, Volkswagen Golf ibilgailua irauli egin da eta gidaria lekuan bertan hil da.