Gizartea -
Italia
500 migratzaile inguru erreskatatu dituzte Mediterraneoan
2016an 3.054 pertsona hil dira Mediterraneo eta Egeo itsasoak zeharkatu nahian.
Agentziak | Erredakzioa
Italiako kosta-zaindariek baieztatu dutenez, igande honetan 500 migratzaile inguru erreskatatu dituzte Mediterraneo itsasoan egindako lau operaziotan.
Twitter kontuaren bidez eman dute informazioaren berri. Antza denez, lau baltsatan zihoazen, eta Mediterraneo erdialdean gertatu da ezbeharra.
Migrazioetarako Nazioarteko Erakundearen arabera, 2016an 132.000 etorkin joan dira Italiara. Halaber, 3.054 pertsona hil dira, Mediterraneo eta Egeo itsasoak zeharkatu nahian.
Etorkin gehienak Libiako kostaldetik abiatzen dira, pertsonak garraiatzeko mafiek kaosa eta segurtasun eza aprobetxatzen baitute.