Bi pertsona artatu dituzte Andosillan ke arnasteagatik

Sutea izan da goizean Andosillako (Nafarroa) hotel batean eta bi pertsona ondoezik sentitu dira kea arnasteagatik. Andosillako osasun-zentrora eraman dituzte biak, Foruzaingoak eitb.eus-i jakinarazi dionez.

Villa de Andosilla hotelean piztu dira garrak, eta eraikina hustu behar izan dute. Kalteak eragin ditu suteak.

Suhiltzaileek itzali dute sua eta Tuterako foruzainek hartu dute ikertzeko ardura.