Gizartea -
Gipuzkoan
Pertsona bat hil da auto-istripuan, Zumaia parean
Ezbeharra AP-8 autobidean gertatu da, 45. kilometroaren parean. Autoa irauli egin da, 09:15 aldera, eta gidaria harrapatuta geratu da.
Agentzia | Erredakzioa
Pertsona bat hil da gaur goizean Zumaian, AP-8 autobidean, izandako istripuan, Eusko Jaurlaritzako Segurtasun Sailak jakitera eman duenez.
Irungo noranzkoan izan da ezbeharra, 09:15 aldera; autoa irauli egin da eta gidaria harrapatuta geratu da.
Istripu tokira joan diren larrialdietako zerbitzuak suspertzen saiatu diren arren, bertan hil da gizona. 48 urteko gizonezkoa da hildakoa.
Ertzaintzak gertatutakoari buruz informaziorik izan dezaketen lekukoen bila dabil. Horretarako, 943 539 119 telefono zenbakira dei dezakete.
