Gizartea -
Gipuzkoa
Baserri bat kiskali da Azkoitian, akats elektriko baten ondorioz
Goizaldeko 06:30ean piztu da sutea, Urrategi auzoko Koategi baserrian. Ez da inor zauritu.
Agentziak | Erredakzioa
Azkoitiko Urrategi auzoko Koategi baserrian piztu da sua goizeko 06:30ean, akats elektriko baten ondorioz. Inor zauritu ez den arren, etxea erabat kiskali dute sugarrek, Eusko Jaurlaritzaren Segurtasun Sailak esan duenez.
Baserrian bizi diren pertsonak haien kabuz atera dira, eta inguruan zituzten animaliak babesean jarri ahal izan dituzte. Suhiltzaileak joan dira gertakariaren tokira, eta 11:00k aldera lortu dute sua guztiz itzaltzea.