Gizartea -
Ezbeharra
Pertsona bat hil da Mallabian, auto-istripuan
Ibilgailua bidetik atera da. Segurtasun Sailak jakitera eman duenez, ezbeharra 12:00ak aldera izan da, BI-366 errepidean.
Agentziak | Erredakzioa
Gidari bat hil da larunbat honetan, Mallabian (Bizkaia), gidatzen ari zen ibilgailua errepidetik irtenda eta hesi baten aurka jota. Hil den gizonezkoa Markinakoa da, eta 51 urte ditu.
Segurtasun Sailak jakitera eman duenez, ezbeharra 12:00ak aldera izan da, BI-366 errepidean. Ibilgailua errepidetik irten da eta hesi baten aurka jo du.
Istripuaren ostean, gidaria autoan harrapatuta geratu da, eta suhiltzaileak bertaratu dira erreskatatzeko, osasun zerbitzuaz gain, baina ezin izan dute ezer egin bizia salbatzeko.
