Gizartea -
Zirkulazio istripua
Azkoiengo 65 urteko gizon bat hil da herrian izandako auto istripuan
NA-115 errepidean gertatu da ezbeharra. Autoa errepidetik irten eta irauli egin da.
AGENTZIAK | ERREDAKZIOA
65 urteko Azkoiengo bizilagun bat hil da bart NA-115 errepidean, Azkoienen, izandako auto istripuan.
Nafarroako Foruzaingoko iturriek jakinarazi dutenez, ezbeharra 22:02ak zirenean gertatu da NA-115 errepideko 20. kilometroan. Autoa errepidetik irten eta irauli egin da.
Tafallako eta Tuterako polizia-etxeko foruzainak, suhiltzaileak eta anbulantzia bat bertaratu dira istripuaren tokira, baina ordurako gizona hilda zegoen.
Istripua hildakoa bizi zen tokitik oso hurbil gertatu da.
