Gizartea -
Gipuzkoa
Zauritutako mendizale bat helikopteroz erreskatatu dute Azpeitian
Izarraitzeko mendilerroko zonaldean martxa bat egiten zebilen mendizale batek mina hartu du orkatilan, eta ezin izan du bere kabuz martxarekin jarraitu.
AGENTZIAK | ERREDAKZIOA
Ertzaintzako helikoptero batek Izarraitzeko mendilerroan zauritutako mendizale bat erreskatatu du Azpeitian (Gipuzkoa), Segurtasun Sailak jakinarazi duenez.
Herritar batek abisua eman ostean, 17:00ak aldera, Izarraitzeko mendilerroko zonaldean martxa bat egiten zebilen mendizale bat artatu dute larrialdietarako zerbitzuek. Dirudienez, mina hartu du orkatilan, eta ezin izan du bere kabuz martxarekin jarraitu.
Ondorioz, Ertzaintzak helikoptero bat bidali du bertara, eta Zumarragako futbol zelaira eraman du mendizalea. Hortik anbulantziaz Zumarragako Ospitalera eraman dute.