Gizartea -
Gertakaria
Atxilotu bat Donostian, borroka batean gizon bati eraso egiteagatik
Biktimak ebakiak zituen beso batean eta, ondorioz, osasun-zentro batera eraman behar izan dute.
Agentziak | Erredakzioa
21 urteko gizon bat atxilotu dute Donostian, beste bati borroka batean besoan ebakiak egitea leporatuta. Biktima osasun-zentro batera eraman dute eta zauriak josi dizkiote.
Liskarra igande goizaldeko 05:25ean gertatu da Donostian. Ertzaintzaren patruila batek bi gizon borrokan ari zirela ikusi du hiriaren erdigunetik zihoazela.
Agenteak banantzen ahalegindu dira, bietako batek besoan odola zerien bi zauri zituela ikusi ostean. Identifikatu eta ustezko erasotzailea atxilotu zuten, arrazoirik gabe biktimari eraso egiteagatik. Ertzainek hautsitako botila-lepo bat ikusi zuten, ustez erasoan erabilitakoa.