Gizartea -
Gertakaria
Emakume bat kalean erditu da, Zornotzan
Erditzean ez da arazorik izan, kalean izan bada ere. Ama eta haurtxoa Basurtuko Ospitalera eraman dituzte. Biak ondo daude.
Agentziak | Erredakzioa
Emakume bat Zornotzako kale batean erditu da ume batez, kaletik zihoala bat-batean erditzen hasita.
Ertzaintzak azaldu duenez, gertakaria gauerdian jazo da, Zornotzako Jauregizar auzoan.
Erditzen hasi dela ohartuta, emakumeak anbulantzia bati deitu dio eta osasun zerbitzuko langileek bertan artatu dute.
Erditzea normaltasunez gauzatu da, kalean izan bada ere. Ama eta jaioberria Basurtuko Ospitalera eraman dituzte anbulantzian. Biak ongi daude.