Bahiketa birtualen kasuak ugaritu dira azkenaldian Nafarroan

Nafarroako Foruzaingoak gutxienez hamabost salaketa birtualen berri izan du azkenaldian, Euskadi Irratiak jakin ahal izan duenez.

Delituok Iruñean, Oltza, Izkue, Altsasu eta Aratzuri herrietan izan dira. Kasuren batean 1.000 euro ordaindu dute biktimek eta, beste batean, 3.000.

Dirudienez, iruzurrak egiteko Txiletik deitu dute, telefonoetan 0056 aurrezenbakia agertzen baitzen.

Halako deiren bat jasoz gero lasai jokatzeko deia egin du Foruzaingoak. Gogoan izan behar da iruzurra izan daitekeela, eta berehala Polizia jakinaren gainean jarri beharra dago.