Bi arrantzale desagertu dira Bartzelonan, bi ontzik talka egin ondoren

Arrantza-ontzi bateko bi marinela desagertu eta beste erreskatatu dituzte Errusiako merkantzia-ontzi batekin talka egin ondoren. Ontzia Bartzelonako portutik milia eta erdira hondoratu da.

Talkaren ondorioa izan da arrantza-ontzia hondoratzea. Lau pertsona zeuden barruan, eta horietako bi erreskatatu dituzte hipotermia sintomekin, Errusiako merkantzia-ontziko tripulanteek.

Erreskatatutako bi arrantzaleek 45 eta 50 urteko bi gizonezko dira, eta larri ez egon arren, ospitalera eraman dituzte.

Guardia Zibileko urpekariak, Bartzelonako Suhiltzaileak eta Itsas Salbamenduak desagertutako beste bi marinelen bila daude, eta helikoptero bat ere badabil erreskatean parte hartzen.

Errusiako merkantzia-ontziarekin talka egin ondoren, Bartzelonako portuan basea duen arrantza-ontzia 150 metrora hondoratu da.