Gizartea -
Nafarroa
Motorzale bat hil da San Adrianen auto baten aurka talka eginda
33 urteko gizonezkoa motozikleta batean zihoan, bidegurutze batean ibilgailu baten kontra talka egin duenean.
EITB.EUS
33 urteko motor-gidari bat hil da igande honetan San Adrianen (Nafarroa), ibilgailu baten aurka talka eginda, eitb.eus-i Guardia Zibilak jakinarazi dionez.
Istripua San Adrianeko industrialdean jazo da, bidegurutze batean, 13:45ean. Motorrak auto baten aurka egin du talka. Kolpearen ondorioz, gidaria, 33 urteko gizonezkoa eta Carcarreko auzokidea, hil egin da. Ibilgailuaren gidaria onik dago.
Guardia Zibilak bere gain hartu ditu jazoeraren argibideak.
Hau zure interesekoa bada, baliteke beste gai hauek ere izatea