Gizartea -
Istripua
Hiru adingabe zauritu dira Abadiñoko donien-atxa gainera erorita
Matiena auzoko jaiei hasiera emateko ekitaldian ezustekoa izan da, enborra altxatzen ari zirenean ikusle batzuei gainera erori baitzaie. Inor ez da larri zauritu.
eitb.eus
Hiru adingabe, bi mutiko eta neska bat, zauritu dira Matienako (Abadiño) jaiei hasiera ematen dien donien-atxa gainera erorita, EiTBk jakin ahal izan duenez.
Donien-atxa enborra altxatzen ari zirenean, alde batera erori da, ikusleen gainera.
Eusko Jaurlaritzaren Segurtasun Sailak jakinarazi duenez, hiru adingabe zauritu dira. Hasiera batean Gurutze Gorriak artatu ditu, baina azkenean gurasoek ospitalera eraman dituzte. Neskak eskumuturra hautsi omen du, eta mutiletako batek kolpea jaso du orkatilan.