Bi hegaldi desbideratu dituzte Loiuko aireportuan, haizeagatik

Loiuko aireportuan lur hartu behar zuten bi hegaldi desbideratu dituzte gaur goizean, haize-bolada bortitzak zirela eta.

Bartzelonatik zetozen Norwegian konpainiako bi hegaldi ziren. 09:00etan eta 10:00etan lur hartu behar zuten, baina Bartzelonara itzuli behar izan dute. Ondoren, Loiura itzuli eta ondo lurreratu dira.

10:20ean, Parisetik zetorren Air France konpainiako hegaldia Biarritzera desbideratu dute.

Halaber, Edinburgotik zetorren hegaldiak bi orduko atzerapena izan du. Gaur inauguratu dute Bilbo-Edinburgo linea.

Eguerdirako haizea baretu denez, ez da arazo gehiago izan.