Izarrekin bat egiteko aukera, larunbat gauean

Eta Akuarida izeneko udaberriko izar euri garrantzitsuenak larunbatetik iganderako gauean izango du unerik distiratsuena; alabaina, Ilargiaren argiak protagonismoa kenduko dio fenomenoari.

Urtean bi aldiz gertatzen da eta Akuarida fenomenoa (maiatzean eta urrian) eta gehienetan hego hemisferioan bakarrik izaten da ikusgai.

Ikusteko moduan dagoen bi aldi horietan, Halley kometaren ibilbideak Lurrak Eguzkiaren inguruan egiten duen ibilbidea ebakitzen du, eta izar iheskorrak sortzen ditu orduan.

Esan bezala, fenomeno hau Halley kometak eragiten du. Momentu honetan Eguzki Sistemaren kanpoaldean dago, eta 2061. urtera arte ez da berriz itzuliko. Hala ere, oraindik horren buztanaren arrastoa atmosfera zeharkatzen ikusten da.

Fenomeno hau ikusteko, hego-ekialdera begiratu behar da, eta Akuario izarra dagoen inguru horretara. Gurean, izar hau 04:00ak aldera aldera agertzen da.

Eta Akuarida apirilaren 19tik maiatzaren 28an sortuko da, baina unerik distiratsuena maiatzaren 5etik 6rako gauean izango du, Behatoki Astronomiko Nazionalaren esanetan.

Une horretan, Ilargia ia betea egongo da, eta horrek izar-jasa ikustea oztopatuko du.

Izar-euri horretaz gozatzeko ez da aparteko tresnarik behar; leku ilun bat eta zerua oskarbi egotea besterik ez.

Eta Akuario izarraren inguru horretan Neptuno planeta ere badago, baina teleskopio txikiekin ikustea oso zaila izaten da.

Gehienez, orduko 70 izar ikusi ahal izango dira, Javier Armentia Iruñeko Planetarioaren zuzendariak Eferi azaldu dionez.