Gizartea -

Bilboko noranzkoan

Auto-ilara luzeak A-8an, lau autoren arteko istripu baten ostean

19:30ak aldera izan da istripua, Muskizeko Arenako zubiaren errepidean. Zauritutako bi pertsona Gurutzetako Ospitalera (Barakaldo) eraman dituzte.

Eitb.eus

Whatsapp Facebook Twitter Telegram Email

Igande arratsalde honetan A-8 autobidean, Bilboko noranzkoan, lau autoren artean izandako zirkulazio istripu batean bi pertsona zauritu dira, Eusko Jaurlaritzako Segurtasun Sailak eitb.eus-i jakinarazi dionez.

19:30ak aldera izan da istripua, 138. kilometroan, Muskizeko (Bizkaia) La Arenako zubiaren errepidean. Une horretan lau autok istripua izan dute, eta Ertzaintzak ikerketa abiatu du nondik norakoak argitzeko.

Segurtasun Sailak jakinarazi duenez, istripuan zauritutako bi pertsona Gurutzetako Ospitalera (Barakaldo) eraman dituzte.

Zirkulazio istripuaren ostean auto-ilara luzeak sortu dira, eta Trafiko Zuzendaritzak baieztatu duenez Kantabriaraino iritsi dira. 21:50ak aldera amaitu dituzte ibilgailuak errepidetik ateratzeko lanak.

Hau zure interesekoa bada, baliteke beste gai hauek ere izatea
Trafiko istripuak Bizkaian Trafikoa Bilboko azken albisteak Zer gertatu da gaur Bizkaian? Euskal Autonomia Erkidegoa Muskiz albisteak Gizartea Bilbo erdialdea Bizkaizko trafiko telefonoa Trafiko webkamerak Gaurko azken ordukoa

Informazio gehiago