Gizartea -
Gertakaria
Jaioberri bat aurkitu dute zaborrontzi batean, Ourensen, onik
Bi kiloko pisua duen haur jaioberria ospitalean dago, baina arriskutik kanpo.
Agentziak | Erredakzioa
Jaioberri bat topatu dute, onik, igande honetako arratsaldean Ourense hiriko zaborrontzi batean. Haurtxoa Ourenseko Ospitalera eraman dute, eta, bertatik esan dutenez, arriskutik kanpo dago.
Ikerketatik gertu dauden iturriek Europa Pressi esan diotenez, behartsu batek topatu du haurtxoa, Bibey Erreka kaleko 20. atariaren ondoan, edukiontziaren barruan bila zebilela.
Lehen laguntza eman ondoren, bi kiloko pisua duen haur jaioberria ospitalera eraman zuten, onik, eta arriskutik kanpo dago. Segurtasun-indarrek ikerketa abiatu dute gertatutakoa argitzeko.