Gizartea -
ZIRKULAZIO ISTRIPUA
Kamioilari bat zauritu da Barazarren, kamioia iraulita
Oraindik argitzeke dauden arrazoiak tarteko, kamioia bidetik atera eta irauli egin da. Gidaria harrapatuta gelditu da, eta, suhiltzaileek erreskatatutakoan, Santiago ospitalera eraman dute.
AGENTZIAK | ERREDAKZIOA
Kamioilari bat zauritu da gaur arratsaldean Barazarko mendatean, Zeanurin, kamioia iraulita.
Istripua 15:05ean gertatu da, Barazarren, N-240 errepidean, Zeanurin.
Oraindik argitzeke dauden arrazoiak tarteko, Bilboko noranzkoan zihoan kamioia bidetik atera eta irauli egin da, 27,5. kilometroan.
Istripuaren ondorioz, gidaria kamioi barruan harrapatuta geratu da, eta suhiltzaileek erreskatatu behar izan dute. 56 urteko gizonezkoa helikopteroz eraman dute Gasteizko Santiago ospitalera. Medikuak horren osasun egoeraren bilakaeraren zain daude, horren berri emateko.
Langileak bidea garbitzen ari ziren bitartean, Ertzaintzak bideratu du trafikoa bertan, eta 17:30 aldera ireki dute erabat erreapidea.
