Gizartea -
Nafarroa
Pertsona bat hil da Aratzurin, etxe bat behera erorita
Nafarroako suhiltzaileak bertaratu dira, baina ezin izan dute bizirik atera. Eraikinaren egoerak, gainera, asko zaildu ditu gorpua erreskatatzeko lanak.
Agentziak | Erredakzioa
Etxe bat behera etorri da Aratzurin (Nafarroa), barruan pertsona bat zegoela. Nafarroako suhiltzaileak bertaratu dira, Foruzaingoarekin eta anbulantziarekin batera, baina ezin izan dute bizirik atera. Eraikinaren egoerak, gainera, asko zaildu ditu gorpua erreskatatzeko lanak.
Nafarroako Gobernuak aditzera eman duenez, etxe barruan eztanda bat izan ostean erori da etxea, Oltza zendea udalerriko kontzeju horretako Andra Mari kaleko 3. zenbakian, 09:00ak jotzeko minutu batzuk falta zirenean.
Guardia Zibilak bere gain hartu du gertatukoa argitzeko ardura.