Gizartea -
Gabonak Iruñean
Olentzero San Ignazioko gaztaina-saltzailearekin etorriko da aurten Iruñera
Desfilea abenduaren 24an egingo dute, 18:00etatik aurrera, Iturralde y Suit kaletik hasita.
Agentziak | Erredakzioa
Olentzero San Ignazioko gaztaina-saltzailearen eta bere gurdiarekin batera aterako da nobedade gisa aurten, Iruñean, gaur arratsaldean.
Desfilea 18:00etan hasiko da Iturralde y Suit kalean. Lehenik, Askatasun plazatik, Paulino Caballero kaletik eta Nafarroako Gorteetatik igaroko da. Bigarrenik, Karlos III.a Noblearen etorbidetik, Gazteluko plazatik eta Txapitela, Mercaderes, Estafeta eta Amaya kaleetan zehar igaroko da, eta Iturralde y Suit kalean bukatuko du bere ibilbidea, 20:00ak aldera.
Udaletxera 18:20 aldera helduko da Olentzero, Pamplonesa banda eta Muthiko Alaiak abesbatza lagun dituela.
Olentzerorekin batera, txistulariak eta txalapartak, Zubietako joaldunak, Oberena eta Muthiko Alaiak dantza taldeak, Oberena eta Muthiko Alaiak fanfarrea, Leitzako trikitilariak, Haizaldiko gaiteroak, Leitzako Kristina Saralegiren 235 animalia eta Egunsenti abesbatza joango dira.