Gizartea -
Gipuzkoa
Sute batek kalte handiak egin ditu Orexako baserri batean
Teilatua behera etorri da, eta baserri barrualdean ere kalteak handiak dira, garrak amatatzeko erabilitako uraren ondorioz. Ez da inor zauritu.
Agentziak | Erredakzioa
Sutea izan da bart Orexako (Gipuzkoa) baserri batean, eta garrek kalte handiak egin dituzte. Zorionez, ez da inor zauritu, Segurtasun Sailak jakinarazi duenez.
Sutea 03:00ak aldera piztu da Orexako plazan dagoen Oroitz baserrian.
Baserriaren teilatua behera etorri da, eta baserriaren barnealdean kalteak handiak dira, garrak amatatzeko erabilitako uraren ondorioz.
Gipuzkoako suhiltzaileek amatatu dute sutea, eta goizean ingurua freskatzen jarraitu dute.