Sute batek baserri bat kiskali du Zeberion

Zeberioko (Bizkaia) baserri bat erre da gaur, sute baten ondorioz, Eusko Jaurlaritzako Segurtasun Sailak eitb.eus-i jakinarazi dionez.

Iturrion arabera, sua 10:30ean piztu da, Uribarri auzoko baserri batean.

Baserrian jendea bizi da, baina sutea gertatu den unean ez zegoen inor barruan, eta ez da inor zauritu.

 

Bideoa: Zeberioko sutea, airetik ikusia (Irudiak: Skylan)

 

 

 

Albiste honen hasieran dagoen argazkia eta beste bi hauek bidali dizkiote inguruko bizilagunek eitb.eus-i:

Suhiltzaileek azaldu dutenez, baserriak bi etxebizitza ditu: bata guztiz erre da, eta bestearen teilatua ere bai.