Gizartea -
Bizkaia
Kamioilari bat hil da Elorrioko landa-errepide batean
Gizona hilda topatu dute kamioiaren kabinaren barruan. Antza denez, berez hil da.
AGENTZIAK | ERREDAKZIOA
Bulgariako 54 urteko kamioilari bat hilda topatu dute Elorrion (Bizkaia), kamioiaren kabinaren barruan. Antza denez, lehen hipotesien arabera, berez hil da, ibilgailua landa-errepide batetik ateratzen saiatzen ari zela.
Eusko Jaurlaritzako Segurtasun Sailak jakinarazi duenez, hilotza 13:25ean topatu dute udaltzainek, Arauneta auzoko landa-errepide batean.
Gorpuak ez du kriminalitate zantzurik. Beraz, uste da berez hil dela.
Nolanahi ere, heriotzaren kausa argitzeko xedez, hilotza Auzitegi Medikuntzako Institutura eraman dute, autopsia egiteko.
Hau zure interesekoa bada, baliteke beste gai hauek ere izatea