Gizartea -
Bizkaia
Sute batek kalteak eragin ditu Eako egur-enpresa batean
Pabilioiaren sabaia eta egur-lehortegi bat kiskali ditu suteak. Ez da zauriturik izan.
AGENTZIAK | ERREDAKZIOA
Sute batek kalteak eragin ditu Ea (Bizkaia) udalerriko egur-enpresa batean igande arratsalde honetan, Eusko Jaurlaritzako Segurtasun Sailak jakitera eman duenez. Sutea 14:00ak aldera hasi da, Eako Olagorta auzoan kokatutako zur-enpresa batean. Ez da zauriturik izan.
Hiru suhiltzaile-talde bertaratu dira, eta 14:40rako sugarrak kontrolpean hartu dituzte, baina osorik amatatu gabe. Pabilioiaren sabaia eta egur-lehortegi bat kiskali ditu suteak. Ikerketa abiatu dute sutearen jatorriaren nondik norakoak argitzeko.