Gizartea -
Bizkaia
Gizon bat atxilotu dute Zallan maizterrari pistola faltsu batekin mehatxu egiteagatik
Bien arteko eztabaida piztu ostean, jabeak (gizona) pistolarekin mehatxu egin zion maizterrari (emakumea), eta etxebizitzatik alde egiteko eskatu zion.
Agentziak | Erredakzioa
38 urteko gizon bat atxilotu dute bart, Zallan (Bizkaia), maizterrari itxurazko pistola batekin mehatxu egitea egotzita, Ertzaintzak astelehen honetan jakinarazi duenez.
Atzo arratsaldean, zortziak aldera, etxebizitza berean bizi den maizterraren eta jabearen arteko eztabaida piztu ostean; jabeak (gizona) pistolarekin mehatxu egin zion maizterrari (emakumea), eta etxebizitzatik alde egiteko eskatu zion, emakumeak jarritako salaketak jasotakoaren arabera.
Emakumea komunean sartu eta Ertzaintzari deitu zion. Agenteak tokian bertaratu ziren eta mehatxu egiteko pistola aurkitu zuten etxebizitzaren eskaileratan.
Ondorioz, Ertzaintzak su-arma erabilita mehatxu egiteko delitua leporatu dio, eta horrela jakinarazi dio auziaren ardura bere gain hartu duen epaileari. Atxilotuak aurrekari penal ugari ditu.