Gizartea -
Nafarroako istripu mortala
Lantzeko istripuan zaurituetako bi lagun ospitaletik aterako dira gaur
Autobus gidaria, berriz, hobera egiten ari da ebakuntza egin ostean, baina ospitalean jarraitu behar du. Istripuan bi hildako izan ziren.
Agentziak | Erredakzioa
Gaur (astelehena) aterako dira ospitaletik, atzo, Lantzen ibilgailu baten eta autobus baten artean izandako auto-istripuan Nafarroako ospitale-gunera eraman zituzten hiru zaurituetako bi.
Hirugarrena, autobus gidaria, hobera egiten ari da ebakuntza egin ostean, eta ospitalean jarraituko du.
Bi pertsona hil hil ziren atzo, igandea, goizean Lantzen (Nafarroan), Baztanesa enpresako autobus batek eta ibilgailu batek aurrez aurre talka egin ostean. Ezbeharra 09:36ean gertatu zen NA-121-A errepidean.
Hildakoen artean ibilgailuko gidaria eta autobuseko bidaiarietako bat daude. Zaurituen artean, berriz, autobuseko gidaria oso larri eta beste bi pertsona larri zaurituta eraman zituzten ospitalera; arin zauritutako beste lau lagun Oronozeko osasun zentroan artatu zituzten, eta beste bi onik atera ziren.
