Euria egingo du eta tenperatura minimoek behera egingo dute San Prudentzio egunean

Euskalmet Meteorologiaren Euskal Agentziaren iragarpenaren arabera, ostiralean, San Prudentzio bezperan, hodei gutxi izango ditugu Gasteizen edo partzialki hodeituta egongo da; arratsaldean, berriz, oso hodeitsu geratzeko joera izango du. Hego-osagaiko haizea ahul eta bizi artean ibiliko da; mendebal-osagaira aldatuko du goizean eta ipar-osagaira joko du gero.

Larunbatean, San Prudentzio egunean, zerua hodeitsu edo oso hodeitsu egongo da. Zaparrada txiki eta ertainak botako ditu eta trumoitsuak izango dira noizbehinka.

Eki-osagaiko haize ahul-bizia ibiliko da, eta ipar-osagaira egingo du arratsaldean. Tenperatura minimoa 6 gradu ingurukoa izango da, eta maximoa, berriz, 14 gradukoa.

Igandean, berriz, zeru hodeitsu eta oso hodeitsuekin jarraituko dugu. Zaparrada ertainak botako ditu, trumoitsuak tarteka. Elur-kota 1.000-1.200 metrora jaitsiko da goizaldean. Tenperatura jaitsi egingo da, minimoak gutxi eta maximoak nahikoa.