Gizartea -
Ezbeharra Nafarroan
Auto eta traktore baten arteko talkak zauritu larri bat utzi du Donezteben
Autoaren gidaria, 33 urteko zubietar bat, Nafarroako Ospitalera eraman dute larri.
Agentziak | Erredakzioa
Auto batek traktore baten atoiaren aurka talka egin du NA-1210 errepidean, 15:46 aldera. Ezbeharra Belateko mendatean gertatu da, Donezteben (Nafarroa). Istripuan 33 urteko zubietar bat larri zauritu da.
Foruzaingoak jakitera eman duenez, autoaren gidaria larri Nafarroako Ospitalera eraman behar izan dute.
Elizondoko eta Iruñeko foruzainak bertaratu dira, ondoren argiketa taldeak ezbeharra ikertzeko ardura hartu du.