Altsasuko auzipetuak gogoratu dituzte Baigorrin ospatu den Nafarroaren Egunean

Jendetza bildu da igande honetan Baigorrin, Nafarroaren Eguna ospatzeko. Basaizea talde antolatzaileak Altsasuko zortzi auzipetuei elkartasuna adierazi dio, Europar Batasuna kasuan erakusten ari den isiltasuna salatzeaz gain.

Musikak, dantzariak eta beste hainbat ekitaldi antolatu dituzte Nafarroaren egunaren 40. edizioa jai giroan ospatzeko. Besteak beste, Nafarroa eta Nafarroa Beherearen arteko harremana estutzeko helburuz biltzen dira urtero. Hala, hainbat hautetsi egon dira Baigorrin: Nafarroako Foru Gobernuko bozeramailea, Maria Solana, besteak beste.