Bi lagun atxilotu dituzte Pasaian Arabako 13 enpresatan lapurtzea egotzita

Ertzaintzak 37 urteko gizon bat eta adingabeko bat atxilotu ditu Pasaian Gasteizko eta Aguraingo industria guneetako 13 enpresatan lapurtzea egotzita.

Poliziaren ikerketa joan den martxoan abiatu zuten Gasteizko Jundiz industria guneko hainbat enpresatan lapurretak izan ostean, Segurtasun Sailak asteazken honetan jakinarazi duenez.

Ustezko lapurrak furgoneta batean bidaiatzen ziren eta lapurretak izandako industria guneetako enpresen inguruetan ere ikusi zituzten.

Hainbat ikerketaren ostean, susmagarriak identifikatzea lortu eta atxilotu zituzten, gaur epailearen aurrera eramateko.