Gizartea -
TRAFIKO-ISTRIPUA
Auto batek oinezko bat harrapatu eta gidariak ihes egin du Erandion
Istripua goizeko 06:05ean izan da BI-711 errepidean, Astrabuduako gasolindegiaren parean. Ertzaintza gidariaren bila ari da une honetan.
AGENTZIAK | ERREDAKZIOA
Auto batek oinezko bat harrapatu du eta gidariak ihes egin du Erandion. Zauritua Gurutzetako Ospitalera eraman dute.
Segurtasun Sailak aditzera eman duenez, istripua goizeko 06:05ean izan da BI-711 errepidean, Astrabuduako gasolindegiaren parean.
Ertzaintza ihes egin duen gidariaren bila dabil eta ezbeharra nola gertatu den ikertzen ari da une honetan.