Gizartea -
Gertaera
Bigarren solairutik salto egin duen lapur batek ihes egin du Gasteizen
03:00ak aldera, herritar baten dei bat jaso du Udaltzaingoak. Ordu horretan, etxetik kanpo zeuden bizilagun batzuen etxean "zarata susmagarriak" entzun dituela ohartarazi die udaltzainei.
Agentziak | Erredakzioa
Gasteizko etxebizitza batean lapurreta egin duen gizonezko batek ihes egitea lortu du goizaldean, bigarren solairutik salto eginda. Udaltzaingoak jakitera eman duenez, berarekin batera lapurreta egin duen beste gaizkile bat lekuan bertan atxilotu dute.
03:00ak aldera, herritar baten dei bat jaso du Udaltzaingoak. Ordu horretan, etxetik kanpo zeuden bizilagun batzuen etxean "zarata susmagarriak" entzun dituela ohartarazi die udaltzainei.
Andaluzia kaleko etxebizitza horretara patruila bat hurbildu da, eta eskailerak igotzen ari zirela, gaizkile batek bigarren solairutik salto egin du.
Handik denbora gutxira, lapurreta egin duen beste gaizkile bat etxebiitza horretako atetik irteten saiatu da, baina lekuan bertan atxilotu dute udaltzainek.