Onik aurkitu dute Auritzen desagertutako 89 urteko gizona

Nafarroako suhiltzaile zerbitzuak larunbat goizean goiz jakitera eman duenez, 89 urteko pertsona baten bila ibili dira larunbat gauetik Auritzen.

Auritz bertako eta Cordovillako parkeetako suhiltzaileek, babes zibileko kideek, Foruzaingoak eta Guardia Zibilak hartu dute parte bilaketan.

Azkenean, bilaketan parte hartzen ari zen bizilagun batek aurkitu du gaur goizean, onik baina hipotermia zantzuekin eta anbulantzian eraman dute behar bezala artatzeko.