Gizartea -
Gipuzkoa
Hondarribin desagertutako arrantzale nafarra bilatzeko lanean jarraitzen dute
Gaur goizean berriro hasi dira bilaketa lanak, seigarren egunez jarraian.
agentziak | erredakzioa
Ertzaintzako Mendi eta Urpekari taldea, helikoptero bat eta Itsas Salbamenduko hegazkin bat Hondarribin desagertu zen Legasako arrantzalea bilatzeko lanetan ari dira berriro, Jaurlaritzako Larrialdi Zerbitzuen teknikariak koordinatuta. Biosnar inguruan ari zen arrantzatzen 29 urteko gizonezkoa, Jaizkibel magaleko arroketan.
Astelehenean desagertu zen arrantzale gaztea eta, beraz, bilaketa lanetan dihardutena bosgarren eguna da jarraian.
Etxera itzuli ez zela ikusita, familiak desagerpena salatu zuen, eta segituan aurkitu zuten desagertuaren autoa Justizen.