Gizartea -
Bizkaia
18 urteko gizonezko bat zauritu dute arma zuriz Etxebarriko jaietan
Asturias kalean gertatu da erasoa, eta Ertzaintzak atxilotu egin du ustezko erasotzailea.
agentziak | erredakzioa
18 urteko gizonezko bat arma zuriz zauritu dute gaur goizaldean Etxebarrin (Bizkaia), Ertzaintzak jakitera eman duenez.
Erasoa gaur goizaldean gertatu da, 06:30 aldera, Asturias kalean, eta Ertzaintzak atxilotu egin du ustezko erasotzailea, zauritua Galdakaoko ospitalera eraman eta bertan sendatzen zuten bitartean.
Bestalde, Ertzaintzak 31 urteko beste gizonezko bat atxilotu zuen Boluetan, Bilbon, lesio eta erresistentzia delituak leporatuta, ertzain bat mehatxatzea eta iraintzea eta metroko bi zaintzaile jotzea leporatuta.
Dirudienez, atxilotua eta beste gizonezko bat borrokan ari ziren arazo pertsonal batzuengatik, goizaldeko ordu bietan, metro barruan. Zaintzaileek atxiki egin zituzten geltokian Ertzaintza iritsi arte. Orduan, atxikita zegoenetako bat irainka eta mehatxuka hasi zen, eta atxilotuta eraman zuten.