Gizartea -
GIPUZKOA
Errenterian galdutako gizonaren gorpua aurkitu dute Oiartzunen
Oiartzungo Udaltzaingoak topatu du hilotza, abenduaren 14an gizonezkoa Errenteria inguruan galdu ostean.
eitb media
Oiartzungo Udaltzaingoak lehengo astetik desagertuta zegoen errenteriarraren gorpua aurkitu du, Eusko Jaurlaritzaren Segurtasun Sailak jakinarazi duenez.
Oiartzungo udaltzainek eguerdian ohartarazi dute gorpu bat aurkitu dutela, eta Ertzaintza bertaratu denean, abenduaren 14tik galduta zegoen 84 urteko gizonezko errenteriarraren gorpua zela egiaztatu ahal izan dute.
Bilaketa-lanak abenduaren 15ean hasi zituzten gizonezkoaren senideek desagerpenaren berri eman ostean.
Gorpua auzitegi-medikuarenera eraman dute, eta Ertzaintzak ikerketa abiatu du gertakariaren nondik norakoak argitzeko asmoz.