Mundua -
Siriako errefuxiatuen drama
30 ume errefuxiaturi sexu-abusuak egin dizkiete Turkian
Susmagarria errefuxiatuentzako kanpamentu batean garbitzaile lanetan ari zen 29 urteko gizonezko bat da.
AGENTZIAK | ERREDAKZIOA
Siriako 30 ume errefuxiaturi sexu-abusuak egin dizkiete Turkia hego-ekialdeko Gaziantep probintzian, Nizipeko errefuxiatuentzako kanpamentuan.
Turkiako agintariek ikerketa abiatu dute, eta auzia "gertutik" jarraitzen ari direla adierazi dute.
Hurriyet egunkariaren arabera, biktimak 8 eta 12 urte artekoak dira. Horietako batek gertatutakoa kontatu zion aitari, eta horrek salaketa jarri zuen Jendarmerian.
Sexu-abusuen ustezko egilea Nizipeko kanpamentuan garbitzaile lanetan ari zen 29 urteko gizon bat da. Iazko irailean atxilotu zuten, eta 289 urte arteko espetxe-zigorra ezar liezaiokete.
