110 ikasle pozoitu dituzte Afganistango ikastetxe batean

Gutxienez 110 ikasle pozoitu dituzte Afganistango eskola batean, gas batekin. Biktima gehienak neskatoak dira, iturri polizialek esan dutenez. Halaber, bi astetan hirugarren aldia da antzeko gertaera bat jazotzen dela. Izan ere, pasa den maiatzaren 17an eta 14an, 220 eta 50 neskatila pozoitu zituzten.

Biktimek 8 eta 14 urte bitartean dituzte, eta hiri horretako hainbat ospitaletara eraman dituzte. Hainbat iturriren arabera, biktimei arnastea kostatzen zitzaien eta askok okadaka eta buruko minarekin zeuden. Gainera, horietako batzuk zorabioak izan dituzte.

Zenbait ikertzailek talibanei egozten diete gertatutakoa. Izan ere, tradizionalki emakumeen heziketaren kontra agertu dira. Afganistanen, emakumeen %20k soilik du irakurtzeko eta idazteko gaitasuna.

Ikerketa zabalik dago oraindik, baina ez dakite zein izan den ezbeharra eragin zuen gas mota.