Mundua -
Desagertutako hegazkina
EgyptAirreko hegazkinaren zati gehiago aurkitu dituzte Mediterraneoan
Maiatzaren 19an Mediterraneoan desagertutako hegazkinaren kutxa beltzak aurkitzeko eta horren barruan eztanda izan ote zen zehazteko aurkikuntza garrantzitsua da.
agentziak | erredakzioa
Mediterraneoan maiatzaren 19an desagertutako EgyptAir konpainiako hegazkinaren bilaketa lanetan ari den itsasontzietako batek hegazkinaren fuselajearen zati gehiago aurkitu ditu gaur.
Kutxa beltzak aurkitzeko eta horren barruan eztanda izan ote zen zehazteko aurkikuntza garrantzitsua da gaurkoa. Izan ere, adituen arabera, kutxa beltzok seinalea emititzeari utziko diote ekainaren 24an.
EgyptAir konpainiako MS804 hegaldia zergatik desagertu zen argitzeko lanean jarraitzen dute ikertzaileek. Hegazkinak Paris-Kairo aire-bidea egiten ari zen Mediterraneo itsasora erori zenean.
Hegazkinaren barruan eztandarik gertatu zen zehazten lagundu lezake aurkitu berri dituzten fuselaje zatien azterketak.
