Inputatu egin dute Belgikan atzo atxilotu zituzten bi lagunetako bat

Instrukzio-epaitegi batek Nourredine H. inputatu du terrorismoaren esparru barruan nahita egindako homizidio saiakeragatik eta talde terrorista baten jardueretan parte hartzeagatik. Susmagarria bere anaiarekin batera (Hamza H.) atxilotu zuten ostiralean, eta hura aske utzi dute.

Belgikako Fiskaltzak inputazio horren berri eman du, ustezko atentatu baten prestaketei buruzko ikerketaren ikustaldian. Dena dela, dirudienez, trama horrek ez luke zerikusirik izango martxoaren 22an Bruselan egin zituzten atentatuekin.

"Ikerketaren behin-behineko emaitzen arabera, Belgikako lekuren batean atentatua egiteko planak zeuden zantzuak zeuden", eman du aurretiaz jakitera Fiskaltzak.

RTBF Belgikako telebista publikoak jakinarazi duenez, Nourredinek beste pertsona batzuei Siriara bidaiatzen lagundu die talde jihadistekin bat egiteko, Europako beste herrialde batzuetatik zehar bidaiatu omen du eta Frantzian zenbait kontaktu zituen. Itxura denez, Nourredine armen bila zebilen, eta horrek poliziaren esku hartzea arindu zuen.

Ostiral arratsaldean Poliziak zazpi miaketa egin zituen Monsen eta beste bat Liejan, baina ez ditu ez armarik ez lehergailurik aurkitu.