Mundua -
Atentatua
Bi kamikaze hil dira Turkian, bere burua leherrarazita
Antza denez, Ankaran atentatu bat egiteko asmoa zuten, eta aldean zeramatzaten leherkariak eztandarazi zituzten, poliziak inguratuta zeudenean.
Agentziak | Erredakzioa
Ustezko bi terrorista hil dira larunbat honetan Turkian, bere burua leherrarazi ostean. Badirudi aldean zeramatzaten lehergaiak eztanda eginarazi zituztela, poliziak inguratu zituenean. Turkiako hiriburuko gobernadorearen bulegotik eman dute informazioa.
Ankaratik 30 kilometrotara dagoen baserri batean gertatu da eztanda. Ustez atentatu bat prestatzeko asmoa zuten bi susmagarri aurkitu ditu Poliziak, auto baten barruan.
Agenteek amore emateko eskatu dieten arren, autoan zeramaten karga leherrarazi eta hil egin dira.
Hau zure interesekoa bada, baliteke beste gai hauek ere izatea